]
]
]
Starfstengdar námsleiðir eru sérsniðnar að starfshópum og stofnunum. Hér má finna heildstæð símenntunarkerfi eins og Járnsíðu-námsleið fyrir sýslumannsembættin, Vísdóm fyrir héraðsdómstóla eða t.d. símenntun læknaritara, launafulltrúa, stuðningsfulltrúa, fangavarða, félagsliða eða Fríhafnar, ásamt brúarnámi í framhaldsskólum.
Almenn námskeið Starfsmenntar eru opin öllum þvert á stofnanir og starfsgreinar og ætlað að efla sjálfsagða starfshæfni eins og samskipti, tungumál og þjónustu eða dýpka þá þekkingu sem fyrir er. Einnig er hér að finna fjölda stjórnunarnámskeiða um t.d. mannauðs-, verkefna-, upplýsinga- og skrifstofustjórnun. Hér má einnig skrá sig í framsækið nám eins og fyrir Starfsfólk í stjórnunareiningum, Talsmann breytinga, Lífsbraut, Framrás, Rekspöl og fjölda námskeiða fyrir atvinnuleitendur.
Fjarkennd tölvunámskeið Starfsmenntar hafa notið mikilla vinsælda. Þau eru bæði ætluð byrjendum og lengra komnum. Markmiðið er að efla tölvuþekkingu nemenda með kennslu á algengustu forritunum og gera þá sjálfstæða í heimi tölvutækninnar. Námskeiðin fara öll fram í fjarnámi og er hægt að velja um ársaðgang að fjölda vefnámskeiða eða níu sérhæfð námskeið með persónulegri leiðsögn á netinu.
Í námsvísinum er að finna upplýsingar um námsframboð setursins og þjónustu við stofnanir. Bæklingnum er dreift í hús til allra félagsmanna aðildarfélaga setursins svo og stofnana og samstarfsaðila. Hér má kynna sér fjölbreytt framboð starfstengds náms sem eflir almenna starfshæfni og kemur til móts við aukna kröfur sem gerðar eru til starfsmanna. Smellið hér til að lesa bæklinginn.
Fræðslusetrið Starfsmennt auglýsir eftir verkefnafulltrúa
Hjákrækt er auglýsing um laust starf verkefnafulltrúa hjá Fræðslusetrinu Starfsmennt. Um er að ræða sérhæft skrifstofustarf og rennur umsóknarfrestur út 17. apríl nk.
